काठमाडौं:सरकारी कार्यालयको समय कात्तिक १६ गते सोमबारदेखि परिवर्तन हुने भएको छ ।

सरकारले जाडोयामको समय तालिकाअनुसार अब सरकारी कार्यालयहरू बिहान ९ बजेदेखि दिउँसो ४ बजेसम्म सञ्चालन हुनेछन् ।यसअघि सरकारी कार्यालयहरू बिहान ९ बजेदेखि अपराह्न ५ बजेसम्म सञ्चालन हुँदै आएका थिए । गृह मन्त्रालयले नेपाल राजपत्रमा प्रकाशित गरेको सूचनाअनुसार यो समय तालिका कात्तिक १६ गतेदेखि माघ १५ गतेसम्म लागू हुनेछ ।

शैक्षिक संस्था र सार्वजनिक निकायबाहेकका अन्य सबै सरकारी कार्यालयहरूमा यो नयाँ समय लागू हुने मन्त्रालयले जनाएको छ ।