धरान-धनकुटा सडकखण्डको साँगुरीगढी गाउँपालिका वडा नं. ६ चारखोले गोलाईस्थित कोशी लोकमार्गमा अविरल वर्षाका कारण सडक भासिएको छ। आज बिहान ११ बजेको समयमा करिब १० मिटर सडक भासिएपछि यातायात एकतर्फी अवरुद्ध भएको छ।

सडक भासिए पनि साना सवारी साधनहरू भने आवतजावत गरिरहेका छन्। घटनापश्चात् इलाका प्रहरी कार्यालय भेडेटार, धनकुटाबाट प्रहरी निरीक्षक महेश भट्टराईको कमाण्डमा ७ जनाको प्रहरी टोली घटनास्थलमा खटिएको छ। प्रहरी टोलीले बाटो खुलाउने प्रयास गरिरहेको धनकुटा प्रहरीले जनाएकाे छ ।