काठमाण्डौ : साना प्रवीण र सावित्री धामीले १९९(एक सय उनान्सय) रन बनाएको एसीसी महिला १९(उन्नाइस ) वर्षमुनिको प्रिमियर कपमा नेपालले सिंगापुरलाई १५१ रनको फराकिलो अन्तरले हराएको छ ।

मलेसियामा चलिरहेको प्रिमियर कपमा नेपालको यो लगातार दोस्रो जित हो । यसअघि नेपालले हिजो कतारलाई हराएको थियो । आजको खेलमा जितका लागि २ सय रनको लक्ष्य पछ्याएको सिंगापुर २० ओभरमा ८ विकेट गुमाउँदै ४८ रनमा समेटियो । नेपालले २० ओभरमा कुनै पनि विकेट नगुमाई १९९(एक सय उनान्सय) रन बनाएको थियो । सानाले ९८(अन्ठान्नब्बे ) र सावित्रीले ७८ रन जोडिन । नेपालले समूह चरणमा अब पर्सि मंगलबार हङकङसँग खेल्नेछ ।