काठमाडौं। राष्ट्रिय परीक्षा बोर्डअन्तर्गतको परीक्षा नियन्त्रण कार्यालय (कक्षा १०)ले २०८२ सालको माध्यमिक शिक्षा परीक्षा (एसईई)को पूरक परीक्षाको समय तालिका सार्वजनिक गरेको छ।
बोर्डका अनुसार पूरक परीक्षा आगामी असार १ गतेदेखि असार ९ गतेसम्म सञ्चालन हुनेछ । परीक्षा बिहान ८ बजेदेखि ११ बजेसम्म हुनेगरी समय निर्धारण गरिएको छ । बोर्डले सार्वजनिक गरेको तालिका अनुसार तोकिएको अवधिभर विभिन्न विषयहरूको परीक्षा क्रमशः सञ्चालन गरिनेछ । नियमित एसईई परीक्षामा एक वा बढी विषयमा अनुत्तीर्ण भएका थिए वा ग्रेड सुधारको अवसरका लागि आवेदन दिएका विद्यार्थीहरु पूरक परीक्षामा सहभागी हुनेछन् ।
परीक्षा नियन्त्रण कार्यालयले परीक्षार्थीहरूलाई समयमै परीक्षा केन्द्रमा उपस्थित हुन, प्रवेशपत्र अनिवार्य रूपमा साथमा ल्याउन तथा परीक्षा मर्यादा पालन गर्न आग्रह गरेको छ ।
