काठमाडौं । नेपाल ‘ए’ र आयरल्यान्ड ‘ए’बीच तेश्रो तथा अन्तिम एक दिवसीय खेल हुँदै छ । यो खेल बिहान साढे ९ बजे त्रिवि क्रिकेट मैदानमा सुरु हुनेछ ।
आयरल्याण्ड ‘ए’सँग नेपाल ‘ए’ यस अघिका दुई खेलमा पराजित भएको छ । नेपाल पहिलो खेलमा २१ रन र दोस्रोमा ११४ रनले पराजित भएको थियो । सिरिजमा हार ब्योहोरिसकेको नेपाल आजको खेल जित्दै क्लिनस्वीप हुनबाट बच्ने दाउमा छ ।
नेपालका सिनियर टोलीका भीम सार्की, आरिफ शेख, अर्जुन साउद र देव खनालले उत्कृष्ट प्रदर्शन गरेमा अन्तिम खेल जित्ने अपेक्षा गर्न सकिन्छ । जितका लागि नेपाली ब्याटरले क्रिजमा धैर्यता र जिम्मेवारी देखाउनु पर्ने हुन्छ ।
नेपालको सिनियर टोलीले आज नै भारतमा एसएमएस फ्रेन्डसिप कपअन्तर्गत फाइनलमा गुजरातसँग खेल्दैछ । खेल दिउँसो साढे दुई बजे सुरु हुनेछ ।