विराटनगर । अग्रज साहित्यकार, वरिष्ठ समालोचक दधिराज सुवेदीको ७८ वर्षको उमेरमा निधन भएको छ । विराटनगरमा स्थायी बसोबास गर्दै आउनु भएका सुवेदीको गएराति मोरङको बुढीगंगास्थित विराट टिचिङ अस्पतालमा निधन भएको हो ।

२००३ सालमा भोजपुरको दिङ्लामा जन्मिनु भएका सुवेदीको दुई छोरा, एक छोरी र श्रीमती छन् । क्यान्सर रोगबाट पीडित सुवेदीको उपचारकै क्रममा विराट मेडिकल कलेज एण्ड टिचिङ अस्पताल बुढीगंगा मोरङमा निधन भएको छोरा शरदराज सुवेदीले बताउनुभयो । उहाँको बुधबार बिहान ३ बजे सुवेदीको निधन भएको हो । उनको विराटनगरस्थित परोपकार घाटमा बुधबार दाहसंस्कार गरिएको छ ।