काठमाण्डाै : भारतलाई पछि पार्दै इङ्ग्ल्यान्ड आईसीसी टी–२० वरीयताको शीर्ष स्थानमा उक्लिएको छ ।

अन्तर्राष्ट्रिय क्रिकेट परिषद् (आईसीसी) ले सार्वजनिक गरेको पछिल्लो वरीयतामा इङ्ग्ल्यान्ड दोस्रो स्थानबाट शीर्षमा उक्लिएको हो ।घरेलु मैदानमा भएको ५ खेलको टी–२० शृङ्खला ४–० ले जितेपछि इङ्ग्ल्यान्डले यो उपलब्धि हासिल गरेको हो । यसअघि भारतले आयरल्यान्डसँगको टी–२० शृङ्खला २–० ले हारेको थियो ।भारत १ हजार ६०५ दिनपछि टी–२० वरीयतामा शीर्षबाट दोस्रो स्थानमा झरेको हो । भारत सन् २०२२ काे फेब्रुअरीदेखि शीर्ष स्थानमा रहँदै आएकाे थियाे ।
इङ्ग्ल्यान्डसँगको शृङ्खलामा भारतीय टोलीका धेरै युवा खेलाडीहरूले अवसर पाए ।

कप्तान श्रेयस अय्यरको नेतृत्वमा रहेको टोलीले अपेक्षाअनुरूप प्रदर्शन गर्न भने सकेन । अब भारत र इङ्ग्ल्यान्डबीच पर्सि मङ्गलवारदेखि ३ खेलको एकदिवसीय शृङ्खला शुरू हुनेछ ।