काठमाडौं । राष्ट्रिय टिमका ओपनर कुशल भुर्तेलले नेपालको लागि विश्वकप खेल्न पाउदा खुसी लागेको बताएका छन् । केटिएम कन्सलटिङ ग्रुपको ब्राण्ड एम्बास्डरमा नियुक्त भएपछि आयोजित पत्रकार सम्मेलनमा बोल्दै उनले यस्तो बताएका हुन् ।
आज काठमाडौंमा पत्रकार सम्मेलन गरी क्रिकेटर भुर्तेल ब्राण्ड एम्बास्डरमा नियुक्त भएको केटिएम कन्सलटिङ ग्रुपले जानकारी दिएको हो । कार्यक्रममा बोल्दै क्रिकेटर भुर्तेलले नेपालले विश्वकप खेल्न लागेको र आफू पनि सहभागी भइरहेकोमा खुशी लागिरहेको बताउनु भयो । उहाँले आगामी टि २० विश्वपकप खेल्नका लागि आफू उत्साहित रहेको बताए ।