इन्डियन प्रिमियर लिग (आईपीएल)को जारी सिजनमा रोयल च्यालेन्जर्स बेंग्लोर (आरसीबी) लगातार दुई पटक पराजित भएको छ । कोलकाता नाइट राइडर्स (केकेआर)ले गएराति भएको खेलमा आरसीबीलाई उसैको मैदानमा ७ विकेटले पराजित गरेको छ ।

बेंग्लोरले दिएको १ सय ८३ रनको लक्ष्य कोलकाताले ३ विकेट गुमाएर १६.५ ओभरमै भेटायो । पहिले ब्याटिङ गरेको बेंग्लोरले ६ विकेट गुमाएर पूरै २० ओभर खेल्दै १ सय ८२ रन बनाएको थियो ।

दुई खेलमा दुई खेल जितेको केकेआर अंकतालिकको दोस्रो स्थानमा छ भने तीन खेलमा दुई खेल हारेको बेंग्लोर अंकतालिकाको छैंटौं स्थानमा रहेको छ ।
आज राति लखनउ सुपर जायन्ट र पञ्जाब किंग्सबीच खेल हुँदैंछ ।