काठमाण्डौ — आज ललितपुरसहित २४ जिल्ला र आसपासका क्षेत्रमा बाढीको मध्यम जोखिम छ ।

इलाम, झापा, तेह्रथुम, पाँचथर, धनकुटा, सप्तरी, सुनसरी, मोरङ, कास्की, स्याङ्जा, तनहुँ, रोल्पा, सल्यान, रुकुम–पश्चिम, जाजरकोट, दैलेख, सुर्खेत, डोटी, अछाम, डडेल्धुरा, बैतडी, कैलाली, कञ्चनपुर र आसपासका जिल्ला भई बहने स–साना नदीको बहाब उल्लेख्य बढ्ने र आकस्मिक बाढीको मध्यम जोखिमको सम्भावना रहेको महाशाखाले जनाएको छ ।काठमाण्डौ उपत्यकाभित्र ललितपुरमा बाढीको मध्यम जोखिम छ । आज कोशी, बागमती, गण्डकी र लुम्बिनी प्रदेशका एक/दुई ठाउँमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार मधेश प्रदेशका साथै लुम्बिनी प्रदेशको तराईका केही ठाउँमा हावाहुरीको पनि सम्भावना छ । आज राति पनि मधेश तथा कोशी प्रदेशको पहाडी र तराईको थोरै ठाउँ र गण्डकी प्रदेशको पहाड र तराईको एक/दुई ठाउँमा ठूलो वर्षाको सम्भावना रहेको महाशाखाले जनाएको छ ।