विराटनगर । नेपाल कांग्रेसका केन्द्रीय सदस्य तथा पुर्व गृहमन्त्री विमलेन्द्र निधिले कांग्रेस एमाले गठबन्धनको सरकार ३ वर्ष टिक्ने दाबी गर्नु भएको छ ।
आज विराटनगरमा नेपाल प्रेस युनियन मोरङले आयोजना गरेको पत्रकार सम्मेलनमा बोल्नु हुँदै कांग्रेस केन्द्रीय सदस्य निधिले कांग्रेस एमाले गठबन्धनको सरकार ३ वर्ष टिक्ने बताउनु भएको हो ।
पहिलो चरणमा नेकपा एमाले अध्यक्ष केपी शर्मा ओली प्रधानमन्त्री बन्ने र दोस्रो चरणमा नेपाली कांग्रेसका सभापति शेरबहादुर देउवा प्रधानमन्त्री बन्ने सहमति अनुसार सरकार चलाउने बताउनु भयो । त्यही समिकरण अनुसार केही दिन भित्रै नेकपा एमाले अध्यक्ष केपी शर्मा ओली प्रधानमन्त्री बन्ने उहाँले बताउनुभयो ।
काँग्रेस नेता निधिले अल्पमतमा पर्नुभएका प्रधानमन्त्री दाहालले बढीमा २ दिन भित्र राजीनामा दिने २ बित्तिकै ओली प्रधानमन्त्री बन्ने जिकिर गर्नुभयो ।