विराटनगर । कोशी प्रदेशमा सोमबार रातिदेखि परेको अविरल वर्षापछि बाढी र पहिरोको सम्भावना बढेको छ ।

विभिन्न खोेलाहरुमा जलस्तरले सतर्कताको तह पार गरेको र पहाडी क्षेत्रमा पहिरो जाने सम्भावना रहेको जल तथा मौसम विज्ञान विभागले जनाएको छ ।

विभागले मोरङ र सुनसरीको सीमा भएर बग्ने बुढी खोला (केसलिया खोला)को तटीय क्षेत्र डुवान हुने भन्दै सुरक्षित रहन आग्रह गरेको छ । मनसुन देशभर फैलिएको भन्दै मौसम पूर्वानुमान महाशाखाले केही दिन वर्षा हुने उल्लेख गरेको छ ।