प्रतिनिधि सभा सदस्यका लागि इलाम–२ मा भएको उपचुनावको अहिलेसम्म भएको मत गणनामा नेकपा एमालेका सुहाङ नेम्वाङले अग्रता लिनु भएको छ । नेपाली काँग्रेसका डम्बर खड्कालाई पछि पार्दै अग्रता लिनु भएको हो ।
फाकफोकथुम गाउँपालिकाको वडा नम्बर ४ मा पुग्दा नेकपा एमालेमा सुहाङ नेम्वाङले अग्रता लिनु भएको हो । १, २ र ३ नम्बरमा कांग्रेसका डम्बरले लिएको अग्रता रोक्दै सुहाङ अगाडि बढ्नु भएको हो । वडा नम्बर ४ को समेत गणना सकिँदा एमालेको २५४२ मत पाएको छ ।
कांग्रेसको २१९७ मत छ । त्यस्तै स्वतन्त्र उम्मेदवार डाकेन्द्र थेगिमले ५९३ र रास्वपाका मिलन लिम्बुले ३७९ मत पाउनुभएको छ । वडा नम्बर ४ को गणना सकिदा सुहाङले तीन वटा वडाको २८ मत तिरेर ३४५ ले अग्रता लिनुभयो । फाकफोकथुम १,२,३,४ जम्मा वडा को ५ हजार ७७८ मत गणना भएको हो ।
अहिले फाकफोकथुमनको वडा नम्बर ५ को मतगणना जारी छ । इलाम नगरपालिका–७ मा रहेको गौतमबुद्ध सभागृहमा मतगणना भइरहेको छ । हिजो सम्पन्न मतदानमा ५९ दशमलव ७९ प्रतिशत अर्थात् ६९ हजार २ सय ८७ मत खसेको छ ।
इलाम–२ बाट निर्वाचित नेकपा (एमाले) का उपाध्यक्ष सुवासचन्द्र नेम्वाङको निधन भएपछि रिक्त पदमा उपचुनाव भएको हो । उपचुनावमा १८ जना उम्मेदवार छन् ।
यस्तै बझाङको प्रदेश सभा निर्वाचन क्षेत्र नम्बर–१ (क) मा भएको उपचुनावको मतगणना पनि जारी छ । बझाङमा नेकपा एमालेले अग्रता लिइरहेको छ । कांग्रेसबाट निर्वाचित प्रदेश सभा सदस्य पृथ्वीबहादुर सिंहको निधन भएपछि उपचुनाव भएको हो ।