विराटनगर । नेहारिका कलेजमा अध्ययनरत पूर्णिमा खतिवडाले स्नातक तहको व्याचलर इन इन्र्फमेसन टेक्नोलोजीको पहिलो सेमेष्टरमा ३.९८ एसजिपिए ल्याएर नेपाल प्रथम भएकी छिन् । हिजो प्रकाशित नजिता अनुसार उनी नेपाल प्रथम रहेको कलेजका प्रिन्सिपल अमित ढकालले बताए ।

शैक्षिक उत्कृष्टताको निरन्तरता दिँदै उनले यसअघि पनि कक्षा १२ मा ३.८४ जिपिए र माध्यमिक शिक्षा परीक्षा (एसईई) मा ३.६५ जिपिए हासिल गरेकी थिइन् । अर्किड कलेज विराटनगरबाट उनले प्लस टू पास गरेकी हुन् ।

उनको यो उपलब्धिले कलेज मात्र नभई सम्पूर्ण प्रदेशकै शैक्षिक क्षेत्रमा प्रेरणा मिल्ने विश्वास लिइएको छ।