काठमाडौं । दाङमा ड्युटीमा रहेकी एक महिला प्रहरीलाई गोली हानेर हत्या गरिएको छ । उनलाई श्रीमानले नै गोली हानेर हत्या गरेको प्रहरीले जनाएको छ । वडा प्रहरी कार्यालय दाङमा कार्यरत प्रहरी जवान धनमाया थापाको हत्या भएको लुम्बिनी प्रहरी प्रमुख डीआईजी कुवेर कडायतले जानकारी दिनुभयो ।

प्रहरीका अनुसार धनमायालाई उनकै श्रीमान् सहायक हवल्दार यमबहादुर झाक्रीले गोली हानेर हत्या गरेका हुन् । यमबहादुर बाँकेको नेपालगन्ज तालिम केन्द्रमा कार्यरत थिए । दाङको दामोदर चोकमा ड्युटीमा रहेका बेला धनमायामाथि गोली प्रहार भएको प्रहरीले जनाएको छ । श्रीमान् यमबहादुर प्रहरी नियन्त्रणमा छन् ।