विराटनगर:विराटनगरबाट प्रहरीले लागुऔषध खैरो हेरोइन (ब्राउन सुगर)सहित दुई युवकलाई पक्राउ गरेको छ ।
विराटनगर महानगरपालिका–७ स्थित मातृका मार्गबाट बुधबार साँझ प्रहरीले ३४ ग्राम ५६० मिलिग्राम खैरो हेरोइनसहित उनीहरुलाई नियन्त्रणमा लिएको हो । लागुऔषधको कारोबार भइरहेको भन्ने गोप्य सूचनाका आधारमा लागुऔषध नियन्त्रण ब्युरो विराटनगर र जिल्ला प्रहरी कार्यालय मोरङबाट संयुक्त टोली खटिएको थियो ।प्रहरीका अनुसार प्रदेश १–०२–०५१ प १९०१ नम्बरको मोटरसाइकलमा अडेस लागेर बसिरहेका विराटनगर महानगरपालिका–१७ रानीका १९ वर्षीय बासु मण्डलको साथबाट ब्राउन सुगर बरामद भएको हो ।
उनीसँगै रहेका रानीकै १८ वर्षीय आशुतोष साहलाई समेत प्रहरीले नियन्त्रणमा लिएको छ ।लागुऔषध र मोटरसाइकलसहित पक्राउ परेका दुवै जनालाई आवश्यक कारबाहीका लागि जिल्ला प्रहरी कार्यालय मोरङमा राखिएको छ । घटनाको थप अनुसन्धान भइरहेको प्रहरीले जनाएको छ ।