विराटनगर । नेपाल बाल संगठन जिल्ला कार्यसमिति मोरङका सभापति नवीन पहाडीले पदभार ग्रहण गरेका छन् । आज समितिको कार्यालयमा एक कार्यक्रमकाबीच उनले पदभार ग्रहण गरेका हुन् । पहाडीले पदभार ग्रहण गर्दै बाल संगठन केन्द्रीय कमिटीले दिएको जिम्मेवारी पूरा गर्ने बताए ।

तदर्थ समितिको सभापतिका रुपमा उनलाई नेपाल बाल संगठनले जिल्ला कार्यसमितिको सभापतिका रुपमा मनोनित गरेको थियो । जिल्ला बाल संगठन मोरङको स्वामित्वमा रहेको चल अचल सम्पत्तिको संरक्षण तथा तीन महिनामा जिल्ला बाल संगठनको अधिवेशन गरि नेतृत्व चयन गर्ने जिम्मेवारी उनीमाथि छ । संगठनको हितका लागि आफू निरन्तर लागि पर्ने उनले बताए ।

पदभार ग्रहण कार्यक्रममा बोल्दै नेकपा एमाले विराटनगर महानगर कमिटी अध्यक्ष बलराम गिरीले बालबालिकाको हितको लागि सबै पक्ष सजग हुनु पर्ने बताए । उनले यसका लागि आफूहरुले हरसम्भव सहयोग गर्ने बताए ।