विराटनगर: लायन्स क्लब अफ विराटनगरले साप्ताहिक ‘लायन्स परिवार खाद्य प्याकेज वितरण’ कार्यक्रमअन्तर्गत शनिबार आवश्यकतामा रहेका ५ परिवारलाई खाद्यान्न सामग्री वितरण गरेको छ।

लियो क्लब अफ विराटनगरको सहकार्यमा आयोजित कार्यक्रममा प्रमुख अतिथि लायन फूल कुमार लालवानीको प्रमुख आतिथ्यता रहेको थियो। कार्यक्रमका संयोजक लायन कमल पराजुली र सहसंयोजक लियो सानु सिंह रहेका थिए। खाद्य प्याकेजका लागि डा। आर। के। साबु ले गर्नुभएको प्रायोजनप्रति क्लबले आभार व्यक्त गरेको छ। कार्यक्रममा लायन्स तथा लियो क्लबका पदाधिकारी, पूर्व अध्यक्ष र सदस्यहरूको सहभागिता रहेको थियो।

क्लबले ‘We Serve. We Care. We Make a Difference.’ को भावनासहित आगामी दिनमा पनि स्वास्थ्य, शिक्षा, खाद्य सहयोगलगायतका सेवामूलक कार्यक्रमलाई निरन्तरता दिने जनाएको छ।