काठमाडौं: नेपाली बजारमा सोमबार सुन र चाँदीको मूल्यमा वृद्धि भएको छ।
नेपाल सुनचाँदी व्यवसायी महासंघका अनुसार आइतबारको तुलनामा सोमबार छापावाल सुनको मूल्य प्रतितोला ८०० रुपैयाँले बढेर २ लाख ८४ हजार रुपैयाँ कायम भएको छ। आइतबार छापावाल सुन प्रतितोला २ लाख ८३ हजार २०० रुपैयाँमा कारोबार भएको थियो। त्यस्तै प्रति १० ग्राम सुनको मूल्य २ लाख ४३ हजार ४८५ रुपैयाँ तोकिएको छ।यसैगरी चाँदीको मूल्य पनि बढेको छ। आइतबार प्रतितोला ४ हजार ३१५ रुपैयाँमा कारोबार भएको चाँदी सोमबार ३५ रुपैयाँले बढेर प्रतितोला ४ हजार ३५० रुपैयाँ कायम भएको महासंघले जनाएको छ।
प्रति १० ग्राम चाँदीको मूल्य ३ हजार ७३० रुपैयाँ निर्धारण गरिएको छ।महासंघले अन्तर्राष्ट्रिय बजारको मूल्य र विनिमय दरका आधारमा दैनिक रूपमा नेपाली बजारका लागि सुनचाँदीको मूल्य तोक्दै आएको छ।