काठमाडौं:नेपाली बजारमा आज (सोमबार) पनि सुनचाँदीको मूल्य बढेको छ ।

आइतबार प्रतितोला २ लाख ८७ हजार १ सय रुपैयाँमा कारोबार भएको छापावाल सुनको मूल्य आज तोलामा १ हजार ४ सय रुपैयाँले बढेर प्रतितोला २ लाख ८८ हजार ५ सय रुपैयाँ पुगेको छ ।आज प्रति १० ग्राम छापावाल सुनको मूल्य २ लाख ४७ हजार ३ सय ४० रुपैयाँ तोकिएको छ ।

यस्तै चाँदीको मूल्य पनि तोलामा ३५ रुपैयाँले बढेर प्रतितोला ४ हजार ४ सय ४५ रुपैयाँमा कारोबार भइरहेको छ । १० ग्राम चाँदीको मूल्य भने ३ हजार ८ सय १० रुपैयाँ ५० पैसा कायम भएको छ ।