विराटनगर: नेपाली बजारमा शुक्रबार (आज) सुनचाँदीको मूल्य घटेको छ ।

केही दिनदेखि वृद्धि हुँदै आएको सुनचाँदीको मूल्य घटेको हो ।आज सुन प्रतितोला ५ हजार ८ सय रुपैयाँ र चाँदी प्रतितोला १ सय ५५ रुपैयाँले घटेको नेपाल सुनचाँदी व्यवसायी महासंघले जनाएको छ ।महासंघका अनुसार शुक्रबार बजारमा सुनको मूल्य प्रतितोला २ लाख ८५ हजार ५ सय रुपैयाँ कायम भएको छ । अघिल्लो दिन बिहीबार बजारमा सुन प्रतितोला २ लाख ९१ हजार ३ सय रुपैयाँमा कारोबार भएको थियो ।

त्यस्तै, शुक्रबार बजारमा चाँदीको मूल्य प्रतितोला ४ हजार ३ सय ५० रुपैयाँ कायम भएको महासंघले जनाएको छ । बजारमा अघिल्लो दिन बिहीबार चाँदी प्रतितोला ४ हजार ५ सय ५ रुपैयाँमा कारोबार भएको थियो ।