नेकपा (एमाले )केन्द्रीय सचिवालयको ५९औं बैठक सम्पन्न भए अनुसार बैठकका केही प्रमुख निर्णयहरू यसप्रकार छन्:
-
यही मङ्सिर ६ गते प्रतिक्रान्तिविरुद्ध काठमाडौंमा बागमती प्रदेश स्तरीय प्रदर्शन गर्ने ।
-
पार्टीको ११औं राष्ट्रिय महाधिवेशन पोखराको सट्टा काठमाडौंमा आयोजना गर्ने ।
• प्रतिनिधि सभा निर्वाचन क्षेत्रभित्रका प्रत्येक १,२०० पार्टी सदस्यले कम्तीमा १ जना महिला र १ जना ४० वर्षमुनिका युवा सहित ४ जना प्रतिनिधि छनोट गर्ने । थप, पहिलो ८०० सदस्यमा १ जना महिला र त्यसपछिका हरेक ८०० सदस्यमा थप १ जना हुने गरी प्रतिनिधि छनोट हुनेछ।
• जिल्लाका प्रत्येक ५०० दलित सदस्यबाट १ जना प्रतिनिधि चयन गरिनेछ। प्रत्येक थप ५०० सदस्यमा १ प्रतिनिधि थप हुनेछ। ३ प्रतिनिधिमध्ये १ महिला प्रतिनिधि हुनेछ ।
• विशेष जिल्लाहरूमा, जिल्ला निर्वाचन क्षेत्रका प्रत्येक १२०० सदस्य बराबरका कम्तिमा १ महिला सहित ३ जना प्रतिनिधि चयन गरिनेछ ।
• प्रत्येक प्रदेश कमिटीबाट २ जना महिला सहित ५ जना प्रतिनिधि चयन गरिनेछ।
• प्रत्येक प्रदेशमा कार्यरत श्रमिकहरू मध्येबाट ३ जना महिला सहित ७ जना प्रतिनिधि चयन गरिनेछ ।
•प्रवासका प्रत्येक निर्वाचन क्षेत्रबाट २ महिला सहित ५ जना प्रतिनिधि निर्वाचित गरिनेछ ।
• प्रत्येक केन्द्रीय विभाग १/१ जना र केन्द्रीय कार्यालयबाट १ जना प्रतिनिधि निर्वाचित गरिनेछ ।
• २३ जनसङ्गठन मध्ये ६ महासङ्घबाट २ जना महिला सहित ७ जना, र बाँकी १७ जनसङ्गठन मध्ये प्रत्येकबाट २ जना महिला सहित ५ जना प्रतिनिधि निर्वाचित गरिनेछ ।
• प्रतिनिधि छनोट मङ्सिर १३ गते (शनिबार) हुनेछ।