तनहुँ । तनहुँको आँबुखैरेनी गाउँपालिका १ गिरौनचोरस्थित भित्री सडकखण्डमा आज बिहान जन्ती बोकेको जीप दुर्घटना हुँदा २ जनाको मृत्यु भएको छ । बरादी हिलेखर्कस्थित भित्री सडकखण्डमा जन्ती लिएर गइरहेको बा१८च ५९२१ नम्बरको बोलेरो जीप दुर्घटनामा परेको हो । यस्तै दुर्घटनामा परी १६ जना घाइते भएका छन् ।

मृत्य हुने दुवै जनाको पहिचान खुल्न नसकेको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणले बताए । अनियन्त्रित भई जीप सडकबाट करिब ५०० मिटर तल खसेको छ । घाइतेको विभिन्न अस्पतालमा उपचार भइरहेको प्रहरीले जनाएको छ ।