कालीकोट । कालीकोटको खाँडाचक्र नगरपालिका–१० चौखोलामा शुक्रबार बिहान भीषण सवारी दुर्घटना हुँदा चारजना गम्भीर घाइते भएका छन् भने तीनजना सामान्य घाइते भएका छन् ।
जुम्लाबाट सुर्खेतका लागि छुटेको कर्णाली प्रदेश ०२–००१ ख ०९७६ नम्बरको फोर्स गाडी बिहान करिब १० बजेतिर अनियन्त्रित भई कर्णाली राजमार्गको चौखोलाबाट करिब १०० मिटर तल खसेर तीला नदीको भेलमा परेको थियो ।
दुर्घटनाको कारण गाडीको ओभरस्पिड भएको हुनसक्ने प्रहरीको अनुमान छ। दुर्घटनापछि स्थानीय बासिन्दाले तत्काल उद्धार गरी घाइतेलाई नजिकको स्वास्थ्य संस्थामा पुर्याएका थिए ।
उद्धारमा अवरोध
दुर्घटनामा गम्भीर घाइते भएका व्यक्तिहरूलाई सुर्खेतबाट उद्धार गर्न नेपाली सेनाको हेलिकप्टर तयारी अवस्थामा रहे पनि सुर्खेतमा निरन्तर भारी वर्षा भइरहेकाले हेलिकप्टर उड्न सकेको छैन । मौसम सफा भएपछि मात्र हवाई उद्धार सम्भव हुने बताइएको छ ।
गम्भीर घाइतेहरूको विवरण :
१) प्रकाश शाही ९२० वर्ष० — दुवै खुट्टा भाँचिएको, तीलागुफा नगरपालिका–६, कालिकोट
२) लालबहादुर बस्नेत ९३० वर्ष० — वीरेन्द्रनगर नगरपालिका–१, सुर्खेत
३) गंगा परियार ९२५ वर्षीया० — हिमा गाउँपालिका–१, जुम्ला
४) रविन परियार ९२८ वर्ष० — गंगाका श्रीमान
सामान्य घाइते :
१) सुमन परियार ९५ वर्ष० — गंगाका छोरा
२) अबिगेल परियार ९१६ वर्ष० — हिमा गाउँपालिका–२, जुम्ला
३) प्रकाश शाही ९सह(सहचालक० — शुभकालिका गाउँपालिका–२, कालिकोट
स्थानीय प्रहरी र जनप्रतिनिधिहरूले घटनास्थलमा उपस्थित भई उद्धारमा सहयोग गरिरहेका छन्। स्थानीय प्रशासनले आवश्यक सहयोगका लागि प्रदेश र संघीय निकायहरूसँग समन्वय गरिरहेको जनाएको छ।