तुर्कमेनिस्तान । तुर्कमेनिस्तानको अवाजामा सम्पन्न भूपरिवेष्ठित विकासशील राष्ट्रहरूको तेस्रो संयुक्त राष्ट्रसङ्घीय सम्मेलनमा सहभागी भइ प्रधानमन्त्री केपी शर्मा ओली आज स्वदेश फर्कँदै छन् ।
प्रधानमन्त्री ओलीले सम्मेलनमा नेपालको तर्फबाट भूपरिवेष्ठित राष्ट्रहरूको साझा चुनौती र सम्भावनाबारे सम्बोधन गरेका थिए । सम्मेलनका क्रममा उनले विभिन्न राष्ट्रका नेताहरूसँग द्विपक्षीय भेटघाट तथा छलफल समेत गरेका थिए ।

प्रधानमन्त्री ओली आज बिहान स्थानीय समयअनुसार ८: ३० बजे तुर्कमेनबासी अन्तर्राष्ट्रिय विमानस्थलबाट दुबईतर्फ प्रस्थान गरेका हुन्। प्रधानमन्त्री ओलीलाई विमानस्थलमा तुर्कमेनिस्तान सरकारका उपप्रधानमन्त्री रहसित मेरेडोभले औपचारिक बिदाइ गरेका थिए ।
दुबई हुँदै प्रधानमन्त्री ओली आज राति ११: ५५ बजे त्रिभुवन अन्तर्राष्ट्रिय विमानस्थलमा अवतरण गर्ने कार्यक्रम रहेको प्रधानमन्त्रीको सचिवालयले जनाएको छ।

यो भ्रमणलाई नेपालका लागि भूपरिवेष्ठित राष्ट्रहरूसँगको सहकार्य विस्तार गर्ने अवसरको रूपमा हेरिएको छ।