इलाम:बडा दसैँ तथा शुभ दीपावलीको अवसरमा इलामको माइजोगमाई गाउँपालिका–४ नामसालिङमा खुला पुरुष नकआउट फुटबल प्रतियोगिता हुने भएको छ ।

ज्योति स्पोर्टिङ क्लबको आयोजनामा हुने प्रतियोगिता यसपटक सेभेन ए साइड ढाँचामा सञ्चालन गरिनेछ । प्रतियोगितामा सहभागी हुन इच्छुक टोलीले असोज २२ गतेसम्म टिम दर्ता गराउनुपर्ने आयोजकले जनाएको छ ।प्रतियोगिताको विजेताले ६० हजार रुपैयाँ र उपविजेताले ४० हजार रुपैयाँ पुरस्कार प्राप्त गर्नेछन् । विजेता तथा उपविजेता टोलीलाई ट्रफी र मेडलसमेत प्रदान गरिनेछ ।

प्रतियोगिताका विभिन्न विधामा उत्कृष्ट प्रदर्शन गर्ने खेलाडीलाई समेत आकर्षक पुरस्कारको व्यवस्था गरिएको आयोजकले जनाएको छ । फुटबलसँगै दर्शकको मनोरञ्जनका लागि विभिन्न खेल तथा मनोरञ्जनात्मक कार्यक्रमसमेत सञ्चालन गरिनेछ ।दसैँ तथा दीपावलीको अवसरमा खेलकुद र मनोरञ्जनमार्फत उत्सवलाई थप रमाइलो बनाउने उद्देश्यले प्रतियोगिता आयोजना गर्न लागिएको ज्योति स्पोर्टिङ क्लबले जनाएको छ ।