काठमाडौं:वर्षाका कारण खेल रद्द भएपछि २० औँ एसियाली खेलकुदअन्तर्गत पुरुष क्रिकेटमा नेपाल र आयोजक जापानले अंक बाँडेका छन् ।
अंक बाँडे लगत्तै नेपाल समूह ‘ए’ को विजेता बन्दै प्रतियोगिताको क्वार्टर फाइनलमा प्रवेश गरेको छ ।जापानको कोरोगी एथ्लेटिक पार्कमा शनिबार भएको खेलमा नेपालले ब्याटिङ गर्दै चुनौतीपूर्ण योगफल खडा गरे पनि त्यसपछि परेको लगातारको वर्षाका कारण दोस्रो इनिङ सम्भव भएन । म्याच रेफ्रीले खेल रद्दको निर्णय गरेपछि नेपालले शीर्ष स्थान हासिल गर्दै अन्तिम आठमा स्थान पक्का गर्यो ।नेपालले सेप्टेम्बर २९ तारिखमा क्वार्टर फाइनलमा टेस्ट राष्ट्र श्रीलंकाको सामना गर्ने छ । जितविहीन बनेको जापान भने समूह चरणबाटै बाहिरिएको छ ।
यसअघि नेपालले आफ्नो पहिलो खेलमा अफगानिस्तानलाई ५ विकेटले पराजित गर्दै उत्कृष्ट सुरुवात गरेको थियो । सोही जित नेपाललाई समूह विजेता बनाउन निर्णायक बन्यो ।समूह ‘ए’ बाट उपविजेता बनेको अफगानिस्तानले अब क्वार्टर फाइनलमा भारतसँग प्रतिस्पर्धा गर्ने छ । सन्दीप र लोकेशको विस्फोटक अर्धशतक वर्षाका कारण १५ ओभरमा छोटाइएको खेलमा टस हारेर पहिले ब्याटिङ गरेको नेपालले निर्धारित ओभरमा ४ विकेट गुमाउँदै १४९ रनको विशाल योगफल तयार पारेको थियो ।तर, नेपालले दिएको १५० रनको लक्ष्य पछ्याउन जापान मैदान उत्रिनै नपाई पानी परेपछि खेल अंक बाँड्दै टुगिंयो ।