भारतको अग्रणी लजिस्टिक्स कम्पनी सिद्धार्था लजिस्टिक्सले नेपाली नागरिकलाई समेत रोजगारीको अवसर दिने भएको छ। कम्पनीले चेन्नई नजिकैको स्रिसिटी, तमिलनाडुस्थित Free Trade Warehousing Zone (FTWZ) का लागि विभिन्न १० पदमा गरी २७ जना कर्मचारी माग गरेको हो।

कम्पनीका अनुसार Forklift Operator २, Stacker Operator २, Mechanic २, Electrician १, CNC Cutting Machine Operator २, Warehouse Worker/Loader/Packer ५, QC/Batch Checker ३, Customs Clearance तथा Import/Export Documentation ५, Housekeeping ४ र Supervisor १ जना आवश्यक छन्।

कम्पनीले नेपाली नागरिकलाई रोजगारीका लागि विशेष अवसर उपलब्ध गराउने जनाएको छ। उम्मेदवारले परिवारसहित भारतमा आवासको व्यवस्था गर्न सकिने विज्ञापनमा उल्लेख छ।

कर्मचारीका लागि डोर्मिटरी आवास, वर्षमा एकपटक नेपाल आउजाउ गर्न रेल/बस यात्राको खर्च तथा अनुभव र योग्यताअनुसार उचित तलब उपलब्ध गराउने कम्पनीले जनाएको छ।