विराटनगर: नेपाल लाइन्स दिवस–२०२६ को अवसरमा नेपालको पहिलो लायन्स क्लब अफ विराटनगरले बिहीबार साउन २१ गते देखि २७ गतेसम्म विराटनगरमा ७ दिने सप्ताहव्यापी कार्यक्रम सञ्चालन गर्ने भएको छ।
लायन्स क्लब अफ विराटनगरले बुधवार आयोजित पत्रकार सम्मेलन गरेर क्लबको ५५ औँ स्थापना दिवसको अवसर पारेर ७ दिने सेवा सप्ताह कार्यक्रम सञ्चालन गर्न लागेको जानकारी गराए । क्लबले सप्ताहव्यापी कार्यक्रमको सार्वजनिक गर्दै लागूऔषधविरुद्ध सचेतना ऱ्याली, निःशुल्क स्वास्थ्य परीक्षण, फेमिली फुड प्याक वितरण, वृक्षरोपण, ट्राफिक सचेतना, दीप प्रज्वलन तथा अन्तर्राष्ट्रिय युवा दिवसको अवसरमा एक्स्टेम्पोर स्पिच प्रतियोगिता आयोजना गरिने जानकारी दिएको हो।
लायन्स क्लब अफ विराटनगरका अध्यक्ष चाँदबाबु इराकी, क्लबका पूर्व अध्यक्ष एवं पूर्व डिष्ट्रिक गर्भनर फुलकुमार लालवानी, क्लबका पूर्व अध्यक्ष एवं ७ दिने सेवा सप्ताह कार्यक्रमका प्रमुख सल्लाहकार घनश्याम काबरा, क्लबका पूर्व अध्यक्ष मनिष भट्टराई, राम अवतार अग्रवाल पत्रकार सम्मेलनमा सहभागी थिए ।क्लबले बिहीबार विराटनगरमा कोशी प्रदेश सरकारका स्वास्थ्य मन्त्री मानबहादुर लिम्बुको प्रमुख आतिथ्यतामा “लागु पदार्थ दुव्र्यसन विरुद्ध सचेतना ऱ्याली” निकाल्ने तयारी गरेको छ ।
विराटनगर–२ स्थित लायन्स क्लब अफ विराटनगरको भवनबाट बिहीबार बिहान ७ बजे निकाल्ने ऱ्याली नगर क्षेत्रको विभिन्न भागको परिक्रमा पछि ९(नौ) बजे जैन भवनमा समापन हुने कार्यक्रम रहेको क्लबका अध्यक्ष चाँदबाबु इराकीले जानकारी गराए ।